Vårt nye og moderne prosessanlegg for slakting og pakking ligg i Langevåg i Bømlo kommune. Slakteriet, som er ei utviding og modernisering av anlegget til tidlegare Espevær Laks, stod ferdig på nyåret 2023. Det har ein produksjonskapasitet på om lag 200 tonn per skift – eller vel 40 000 tonn i året. Anlegget sysselset mellom 35 og 40 personar.
Under pakkemerket VL-59 vidarefører Hardanger Seafood no kvaliteten som H-220 (Espevær Laks) og H-109 (Hardanger Fiskeforedling) var anerkjende for. Det nye slakteriet er utforma for å gjera den siste reisa til fisken så skånsam og effektiv som mogleg, med fiskevelferd, hygiene, produktkvalitet, matvaretryggleik og miljøavtrykk som styrande faktorar i alle delar av produksjonen vår.